مباراة مصر و الجزائر

مباراة مصر و الجزائر مباراة مهمة جدا ومصيرية للمصريين كما هي مهمة للجزائريين
أمنية كل مصري و أنا واحد منهم ان مصر توصل كأس العالم , و أن اشاهد منتخب بلدي في أحسن مكان في الدنيا
ده حقي كمصري , بالظبط زي حق أي جزائري يتمنى لمنتخبه كل خير و بالطريقة اللي يشوفها مناسبة
بس مش لدرجة انها توصل لدرجة الحرب بين الجمهورين , ولو ان هي دي كرة القدم , مش ممكن احب الخصم بتاعي أبدا مهما كان , يعني مثلا أنا زملكاوي مش ممكن مهما كان فريقي سيء اني أتحول و أشجع الفريق المنافس
بس ده برضو ميخلنيش استهزأ بلاعبي الفريق المنافس , وده اللي حاصل من الاعلام الجزائري للاعبي منتخب مصر
منتخب مصر لما كسب بطولة أمم افريقيا الاخيرة كل الجمهور العربي خرج الشوارع يعبر عن فرحته

أنا عن نفسي لو حتى الجزائر وصلت مكاننا كأس العالم مش هنكر اني هزعل بس في نفس الوقت هيبقا فريق عربي وصل كأس العالم و يبقى مبروك للجزائر
المفروض ان زمن التعصب في الكرة انتهى خلاص , بس هنعمل ايه بس

للأسف الأخوة الجزائريين يتفننون في اثارة حفيظة المصريين لأرتكاب اى خطأ نعاقب عليه من قبل الاتحاد الدولي وأخر ماشاهدته هو فيديو يقوم فيه بعض الشباب الجزائري الطائش بحرق العلم و التي شيرت المصري وأنا أدعوا الجمهور المصري بالتزام الروح الرياضية فمهما حدث لن تخرج عن حدود مباراة كرة قدم ونأمل ألا تشعل هذه المباراة نار الحرب بين الشقيقين.
والسلام وصل يا عبدو

ماشي يا مان
بس ان بيتهيألي ان الكورة كدة في كل مكان في العالم فيها تعصب
بس المشكلة اننا عرب و اخوة
وياسيدي يعملوا اللي يعملوه انشاء الله هنكسب

شوفيه خناقه ولا مبارة

مبروك للي فاز كلنا عرب واخوة

اسمها رياضة ولازم يكون في روح رياضية طبعا


بس وين هالروح ؟؟

تسلم ع لموضوع

[b]
أصل انتي مشفتيش هما بيعملوا ايه
و على فكرة مش دي أول مرة ده على طول كدة
سواء كان الماتش للمنتخبات أو حتى الاندية
أنا عن نفسي بحب كل العرب أوي
و الجزائريين ناس جدعان و رجالة و طيبين أنا عاملت منهم كتير بحكم شغلي , و ليا أصدقاء جزائريين
بس هم نفسهم بيعترفوا ان وقت الكورة بيكون الوضع مختلف , الكلام ده من الجزائريين أصدقائي
و احنا معانا اعضاء في المنتدى جزائريين ممكن يشاركونا
وفي النهاية ده ماتش كورة , بس المشكلة ان الوضع ده من الجزائريين بيتكرر دايما مع اي ماتش ليهم مع المصريين

ربنا يهدى الجميع مصريين و جزائريين ونتمنى التوفيق للفريقين بس انا طبعا اتمنى فوز مصر ولكل جمهور الحق في تشجيع بلده.
وسمعنى سلام مصر هي (بلدي) لأني عارف امي كويس

هههههههههههههههه صمت لا واضح مالكيش نهائي في الكورة

لازم تتثقفي شوية وتحفظي اسماء الجهاز الطبي ومدرب الحراس

عبدو جول وعبد الله سلامة حبايبي نورتوا المنتدى

وان شاء الله مصر هاتفووووز خمسة صفر ان شاء الله

وهبارك ليكي يا ليال انتي وفاطمة


يوم 14 هالبس تيشرت المنتخب وهاقعد في المنتدى ومش طالع منه الا اما نفوز
و انا يالجزائر

هههههههههههههههههههههه

ليال وفاطمة تعالوا الاستاد

الماتش مش سهل علينا
حسني مش هيلعب , ووائل جمعة , و محمود فتح الله
يعني الدفاع كله تقريبا
ربنا يستر
ده غير اننا داخلين الماتش المفروض مغلوبيين 2
بس ان شاء الله هنكسب

يارب النصر لمصر
عايزين دعوات كل المصريين
الماتش قرب أوي , ربنا يستر
يارب نكسب يا رب

شوفوا لاعبي الجزائر عملوا ايه في مطار القاهرة
اللاعبين بعد صعودهم للاتوبيس , وفي طريقهم لفندق ايبروتل موفنبيك والذي يقع داخل مطار القاهرة (5 دقائق من صالة الوصول) قاموا بتكسر نوافذ الباص و اعتدوا على سائق الباص
لأ و الاكتر من كده قالوا ان الجمهور المصري اعتدى عليهم و رماهم بالحجارة
طيب ازاي الجمهور هيعتدي عليهم وهم داخل المطار المأمن بشكل غير طبيعي و كل الناس عارفة يعني ايه البوليس المصري
يا جماعة أنا كل يوم في المطار وده استحالة يحصل لأن الأمن داخل المطار شديد جدا
وده من ضمن اسباب اختيار الجزائر للفنق داخل المطار
وده بيبين نيتهم السوء ,
ده غير ان تحقيقات الشرطة والنيابة في حضور مندوبين الفيفا أثبتت أن التكسير تم من داخل الأتوبيس و ليس من الخارج كما ادعا فريق الجزائر
يعني على رأي المثل المصري
ضربني وبكى وسبقني و اشتكى
منهم لله , و انشاء الله علشان اللي بيعملوه ده هنكسب
وعلى العموم ده مش غريب على جمهور الجزائر في الكرة
دائما يضرب ويكسر وفالاخر يتهم الاخريين
و الموضوع شكله مخطط ليه
علشان كده يجب على مصر المطالبة بمعاقبة مجموعة الهمج دوووول

مبروك لمصر مبروك لمصر مبروك لمصر مبروك لمصر مبروك لمصر مبروك لمصر مبروك لمصر

كانت الفرحة في شوارع القاهرة حتى الصباح الباكر
وانشاء الله نوصل كأس العالم يوم الاربعاء في السودان
ونتمنى من الاخوة الجزائريين يبطلوا اشاعات ان في مشجعين جزائريين ماتوا في مصر
كده حرام عليهم , الجزائريين هنا عاملناهم بكل كرم و مفيش حد فيهم حتى اتخدش
بس ربنا هيرد لهم كيدهم انشاء الله

كان نفسي أقول مبروك للجزائر بس بع الي عملوه فالمصريين فالسودان وفي الجزائر و حتى هنا في مصر
بيخليني أقول طظ فالجزائر و فالقومية العربية
المفروض انه كان ماتش كورة مش حرب يا جزائر و يا جزائريين
حرام عليكو احنا عرب و مسلمين مش كفار
عارفين انتوا عملتوا كده ليه ؟ علشان انتوا اصلا مينفعش تعاملوا مع بني ادميين
افرحوا بالماتش وبكأس العالم , احنا مش فارق معانا خالص , بس اللي حصل منكم ده مش هننساه أبدا
يعني لو كنا احنا كسبنا كنتوا هتعملوا فينا ايه فالسودان ؟ كنتوا قتلتونا
بقولها تاني
طظ فكأس العالم وطظ فالماتش
برضو احنا أبطال أفريقيا

كلمة حق أحب أقولها
شكرا علاء مبارك , فعلا حسست كل المصريين انك واحد منهم وحاسس نفس احساسهم وشعورهم
ألف شكر على كلامك في قناة دريم مع خالد الغندور
و اتمنى اننا نعمل رد فعل قوي ضد حكومة الجزائر المتواطئة في المصيبة الي حصلت فالسودان

معاك حأ بس احن هزمناهم فى الامم الفريقيه 4مصر الجزائر0