بعض الكلمات باللهجة السورية

هي بعض الكلمات الشامية مع شرحا , و في طبعًا كلمات كتير غيرا بس ما حبيت طوّل عليكون تئبروني :

ابن عمي : زوجي , و هو يقول لها : بنت عمي

تئبرني : كلمة غزل بمعنى أن اموت قبلك و انت الذي تضعني في القبر

تؤبشني : أيضًا كلمة غزل بمعنى : ضمني , و يقال في السياق : تؤبش ألبي , بمعنى : ضمّهُ بين يديك

أول باشتان.....ثاني باشتان : طريقة النسوان في تعداد الأمور والأوامر والأسباب والمسببات

خسكار :كمية من العمل المقرر ليوم واحد أو بضاعة معدّة للبيع ضمن اليوم

فرطلنا هالمسبحة : حلّو المشكلة بئا

منائرة : خنائة

فَرَكا : هرب

حمل درب طريئو و مشي : ذهب بدون اهتمام

هاد وش الضيف : لم نراه بعدها

صغيرة : بسيطة

شرحو : نفس الشيء السابق

نطعج : انصعق

أكل مقلاية بوشو : إما أنه أكل كلمة دج أو حدث معه موقف محرج

شَلي : استغابة

صئائ : الشارع أو الزقاق

دزدان : جزدان الجيب

أمة لا إله الا الله : الكثير من الناس

كلخو كف : صفعه على وجهه

عمن أول : السنة الفائتة أو ما قبل

ولاد آدو : رفاق السوء

كركوبة : غرض غير لازم

كركمة : ختيارة مصوفنة

تتحورئي أو تتزهرمي : أي تأكلي

أحّط : إذهب

إغي : كناية القوة ( للأبضايات )

باطل : كمان كناية عن القوة و تكبير الراس

شحني : ليكني , أنا هنا ..

همشري : جاهل أبو عجئة

شاطة ريالتو : غبي أو أجدب

معلم : من أكثر الكلمات المستعملة تقال إلى : ( شفير المكرو – السمان – اللحام – المدير – شرطي المرور... إلخ)

ينباع بالعزا : ينمحئ

تشكل آسي: تعبير يفيد شدة حب متلقي الكلام, و تفيد انه تضع الأس( وهو نبات اخضر ) يوضع على القبور, يعني بالعربي يلي عم يإلك تشكل أسي , يعني بس موت تزورني ب قبري و تشكل اي : تضع , آس على قبري

والسبع تنعام : لنا الشرف

أيدي بزنارك : طلب شيء برجاء شديد و يفيد التمسك بالشخص بشدة و معروف انه اقوى مسكة هي مسكة الخصر او الزنار

عقلو جوزتين بخرج : شخص ضيق الأفق , و يغير عقلو بسرعة , يعني تخيل جوزتين صغار بخرج كبير شلون بكونو

حاج تحوص وتلوص : توقف عن التنقل من مكان لمكان , من حاص يحوص حوصا ف هو حائص أي غير عرفان وين بدو يروح

شَرَوي غَرَوي : الذي يتكلم كلاماً بلا معنى من الشرق إلى الغرب

أسّييع : أفسح المجال لكي أمر يعني اوسع بتسمعها بسوق الحمدية كتير و خاصة من جماعة الدراجة الهوائية , اسّع اسعي اسسسسيييع …

في بديل ل أسيع , وهي أوعى : أي انتبه

خود عليك : ابتعد قليلاً

كلبشتو : تعلقت به ، تمسكت به

مجنّط: مفلس

سرنوّة : خبيثة تخفي خبثها بذكاء

الشنتير : الكبير الذي لم يعد طفلاً و غالبا يستخدم المصطلح مع البهدلة , يعني يقال له :مالك شايف حالك أد الشنتير و آعد بالبيت اووم نتتر جيب الغراض

أنتتر : يعني انتفض نط بسرعة من نترة ينتتر نترا

الشاضومة : امرأة قوية وثرثارة و تشضم شضما , يعني بتحكي بقوة و عنف

أم كمونة : البخيلة

جئر : وقح وعنيد , من يجائر جئرا

النايط و النعيان : الإنسان البارد والبطيء . و بيئلّك : لعمى شو ألبوو ناااااااااااااايط ,

سمّاوية : المرأة القوية واللئيمة , اللتي تبث السم يعني تئذي الأخرين

مدهرنة : فتاة في مقتبل العمر ولكن تتصرف وتتكلم ككبار السن , يعني من دهر عمر ادهرنت اصبحت اكبر من عمرها , و بؤولو عليها النسوان : شفتي شلون ولي على عيونها عالفصعونة شو مدهرنة

فصعونة : الفتاة الصغيرة و نفس الشي الفصعون و المنطوط

المنطوط : من يتنطنط بالحكي اكتير او الحركات يعني بيطلع و بينزل

الواه الواه: مصطلح تستخدمه النساء للاستهزاء على شيء ما . متل : ايوااا ئلتلينا الواه الواه على شو يامووو

لأ يوه : للتعجب لأ نفي , يوه للتعجب و في لأ شو , لا بالله , لا أأأ ,

صعي : على فكرة أو للتعجب واصلها صحيح بس تآكلت مع الزمن

ليكو، ليكا، ليكوكة: أسماء الإشارة للبعيد بيئلّك : ليكو هنيك لاطيلك

لاطيلك : يعني لاطي متخبي , يتربص

شحو ، شحوكة: أسماء إشارة للقريب

وين غاطط : تقال لشخص لم نره من مدة

شفاتير : شفايف

مْعتْ : يعني ممل بايخ

مفَزْلَكْ : يعني شايف حالو على الفاضي او مفلسف

زْمِكْ : يعني قصير و سئيييييل

سئيل : يعني دمه تئييل

معنْطَز: شايف حالو و عم يتعنظز على الخلئ

طشم: غبي جداً ولا حبة بنوب

سرسري: الشخص السافل الذي لا يخجل مما يفعله

بركي, بلكي : أي بمعنى ربما

مسَرْسَبة: تحب النظافة كثيراً بشكل احيانا يشكل ازعاج

بتاتاً: أبداً نهائيا قطعا

شو عليه: تدل على المواقفة، لا مانع , أي انه ما عليه شي , أوكي

مطرمخ: حالة الشخص بعد الاستيقاظ مباشرة، أو الشخص المريض.أي بمعنى راسو تقيل

( ملاحظة مهمة : كل شي بحرف القاف بينلفظ بالهمزة ) .....

الواه الواه: مصطلح تستخدمه النساء للاستهزاء على شيء ما . متل : ايوااا ئلتلينا الواه الواه على شو يامووو

لهجتكم حلوة بزاف بزاف
وراني شوية نفهمها

على قد حالي نسلك راسي
هههههههههههههههههههههههههههه

حنزل موضوع مشابه ونعرفلكم بلهجتي المظلومة معاكم

هههههههههههههههههههههههههه

يحرش حريشك

وتقيريني

يحرء حريشك وتؤبريني

والله انتي عسل يابنت هههههههههه نورتي ياقمراية سانيا

زائر

زي العسل يالغالية

تئبرني : كلمة غزل بمعنى أن اموت قبلك و انت الذي تضعني في القبر

تؤبشني : أيضًا كلمة غزل بمعنى : ضمني , و يقال في السياق : تؤبش ألبي , بمعنى : ضمّهُ بين يديك

هلا اخ هيما نورررت الموضوع واللهجة كمان

مشكوووور مرورك الحلو

» الجمهورية العربية السورية
» اصعب الكلمات واحلاها
» سلسلة الكلمات المخفية
» سلسلة الكلمات المخفية التانية
» برنامج رائع لتعلم الكلمات في اللغة الفرنسية