الرمش سيف

[center]العام فـي بيـروت و بوقـت مصيـاف
سايـح واجنَـب عـن دروب الفسـادي
انا و ابـو جـوري وفيصـل و نـواف
اربـع شبـابٍ مـن خيـار العـبـادي
نسكن في موفنبيك فـي اربـع اغـراف
مـع رنـج أسـود والفيـراري رمـادي
مـرت ثمـان ايـام ماعندنـا اخـلاف
جـو السعـاده عـم فيـنـا و ســادي
إلين شفت اللـي بهـا كـل الاوصـاف
واصبحت فـي وادي و ربعـي بـوادي
بنت العبت فـي قلبـي وصابـه اتـلاف
هيبـه و خـد و قـد و المشـي هـادي
الرمش سيف و راعـي الرمـش سيًـاف
في نظرته ذبـح القلـوب امـر عـادي
إن كشًـرت آضيـق والقلـب يـنـلاف
واليا ضحكت..اضحـك كـذا.. لا إرادي
سألـت ابعـرف اسمهـا كـل عـرًاف
ومـن يقـرآ الفنجـال ويقـرآ ايــادي
هي من ديار الشـام او ربـع بالـزاف؟
والا عطايـا الله بعـد مــن بــلادي!
قالو:ياعمـي.. هالبنيًـه علـى خـلاف
مـع زوجهـا والخلـع أمـرٍ وكــادي
بنـتٍ لهـا قلـب رهيـفٍ و شـفـاف
تبعـد عـن دروب السهـر والـنـوادي
تبدأ بحـرف السيـن و بالعائلـه كـاف
تسكن شمـال العـارض فبيـت عـادي
لبيـه.. ياللـي مسرفـه فينـي اسـراف
و لبـى خفوقـك يـا هنـاي و مـرادي
الله مزج وجهك مـع الـوان الاطيـاف
الثغـر وردي..خلقـه!! و خـد كــادي
ما اريد منَـك غيـر يالحـور انصـاف
فكَي خفوقـي مـن عثـا رمـش سـادي
و هاتي لي مصحف باقسم ايمان و احلاف
وبشهد شهـادة شخـص مؤمـن حيـادي
والله..لـو ريمـا وهيفـا و انـصـاف
و نـوره و صيتـا والعنـود وهنـادي
لـو جمًعوهـم وادمجوهـم بالاوصـاف
مجموعهـم.. وانتـي بزيـنٍ أُحــادي
زينك يوازي زينهـم عشـرة اضعـاف
زيـنـك تخـطـى منتخبـهـم و زادي
مااعْرفْك لكنـي علـى حسنـك آخـاف
وادعـي لـك الرحمـن حتـى برقـادي
ياالله.. تحرسهـا مـن اللـي اذا شـاف

منقولة عن الشاعر سطام الشلفان
انا عن نفسى من ربع بالزاف وانتوا منين
ههههههههههههههه
يليااااال

هههههههههههههههه

تجنن بجد يا ليال

يسلم مرورك
وبجد


الرمش سيف و راعـي الرمـش سيًـاف